Yo fòtman ankouraje moun ki genyen laj Jadendanfan ak plis pou mete yon pwoteksyon pou vizaj pandan y ap vizite tout biznis entèn oswa espas ki louvri pou piblik la selon machaswiv ak rekòmandasyon CDC a, men genyen kèk eksepsyon kote mask yo toujou obligatwa.
Moun ki pa pran vaksen an ak timoun ki genyen laj jadendanfan ak plis ki pa elijib pou vaksen an dwe kontinye mete pwoteksyon pou vizaj.

Maks yo obligatwa si:

• Ou se yon anplwaye oswa yon moun ki pran transpò piblik, oswa ou nan yon otobis lekòl, veyikil transpò ki adapte, yon taksi, yon sèvis machin prive, oswa yon pataj trajè.
• Ou se yon anplwaye, pasyan, rezidan, oswa vizitè nan nenpòt nan etablisman swen sante. Sa genyen ladan, men pa limite ak, lopital, klinik ak biwo medikal, etablisman swen espesyal, laboratwa medikal, dantis, famasi, bank san ak kòlèk san, oswa etablisman ki bay sèvis swen veterinè ak sèvis sante menm jan pou bèt—sof si founisè swen sante a endike sa yon lòt fason.

Ou se yon anplwaye oswa yon vizitè nan yon etablisman swen lontèm. Rezidan nan etablisman sa yo dwe mete pwoteksyon pou vizaj jan CDC a rekòmande sa. Si yon rezidan ak vizitè rezidan an resevwa tout vaksen an, vizitè a pa bezwen mete yon pwoteksyon pou vizaj si vizit la dewoule nan yon espas prive.

• Ou se yon anplwaye nan ajans swen adomisil la.
• Ou se yon anplwaye oswa yon vizitè nan yon ajans eta a ki tonbe nan Brach Egzekitif la anba otorite Gouvènè a, menm si yo resevwa tout vaksen an. Ajans sa yo genyen ladan:
  • Depatman Agrikilti nan Delaware
  • Depatman Edikasyon nan Delaware
  • Depatman Koreksyon nan Delaware
  • Depatman Finans nan Delaware
  • Depatman Sèvis Sante ak Sèvis Sosyal nan Delaware
  • Otorite Lojman Eta nan Delaware
  • Depatman Resouzimèn nan Delaware
  • Depatman Travay nan Delaware
  • Biwo Jesyon ak Bidjè nan Delaware
  • Depatman Resous Natirèl ak Kontwòl Anviwònman nan Delaware
  • Depatman Sirte ak Sekirite Enteryè nan Delaware
  • Depatman Sèvis pou Timoun, Jèn ak Fanmi Yo nan Delaware
  • Depatman Deta nan Delaware
  • Depatman Teknoloji ak Enfòmasyon nan Delaware
  • Depatman Transpò nan Delaware (ki genyen ladan lokal DMV yo)
• Ou se yon anplwaye, yon rezidan, yon prizonye, oswa yon vizitè nan nenpòt etablisman koreksyonèl oswa etablisman detansyon oswa nan yon chèltè pou sanzabri.

• Ou se yon anplwaye, yon elèv, oswa yon vizitè anndan nenpòt gadri, sant swen timoun, oswa lekòl, eksepte pou repa, ti kabicha, oswa kote lè ou fè sa li t ap nwi sante timoun nan. Pwoteksyon pou vizaj pa obligatwa pou anplwaye nan moman lè pa genyen timoun nan etablisman an. Si ou deyò nan yon gadri oswa nan yon sant swen timoun oswa nan yon lekòl, pwoteksyon pou vizaj pa obligatwa. Swanyan nan fwaye gadri ak sant swen timoun yo, ak edikatè nan lekòl yo, dwe sipèvize itilizasyon pwoteksyon pou vizaj timoun yo pou evite move itilizasyon epi siveye ke yo respekte yo.